Shumë banorë të Balit në Indonezi e nisën vitin 2023 me një ritual unik, raporton Anadolu Agency (AA).
Në ditën e parë të vitit të ri, shumë banorë të Balit morën pjesë në ritualin e spërkatjes e ujë, i njohur si Siat Yeh. Fillimisht luteshin bashkë, e më pas derdhnin ujë mbi njëri-tjetrin.
Ky ritual vjetor besohet të jetë një akt i pastrimit të shpirtrave për t’u përgatitur për ditët e reja si dhe një simbol i luftës kundër shpirtrave të këqij dhe shpresa se mirësia do të mbushë vitin 2023.
Njerëzit spërkasin njëri-tjetrin me ujë të shenjtë që është pastruar shpirtërisht nga priftërinjtë vendas.
Nga rruga, banorët e ishullit indonezian të Bali tradicionalisht festojnë ditën e parë të vitit me festivalin Siat Yeh. Ky festival i pazakontë lavdëron vitin e ardhshëm përmes vallëzimit dhe kërcimit në ditët e para të janarit dhe në të njëjtën kohë feston pasurinë natyrore të Tokës dhe ujit.
Kështu mijëra qytetarë të të gjitha moshave mblidhen në rrugët ku zhvillohet e ashtuquajtura “lufta e ujit”. Luhen valle tradicionale, këndohen këngë ndërsa njëri mbi tjetrin derdhin sasi të mëdha uji.
Ishulli Bali, i cili është i mbushur me fusha të mëdha orizi, kafe, kakao, palma, pyje tropikale dhe plazhe të pafundme me rërë, shpesh quhet “vendi i njerëzve të buzëqeshur”.
