Ashtu siç paralajmëruam edhe ndodhi, futbollisti Betim Haxhimusa, pas një kohe të gjatë rikthehet në folenë e vjetër, Ferizaj.
Skuadra ferizajas me Haxhimusën do të jetë edhe më e fortë. Para Haxhimusës janë përforcuar edhe me Astrit
Fazliun, Bujar Shabanin dhe portierin Leutrim Rexhepi.
“Tifozët i duan golat, dhe klubi përforcohet edhe më shumë në repartin ofensivë!
Ne kemi arritur marrëveshje me sulmuesin Betim Haxhimusa.
Betimi së fundi ishte lojtar i FC Drita për 4 edicione ku arriti edhe titullin kampion në Superligë si dhe golashënuesi me i mirë në edicionet 2019/20 dhe 2020/21 për klubin e FC Drita.
Të jesh lojtar i klubit të qytetit dhe i përkrahur nga “Ujqit” do të jetë një motiv shtesë për Betimin që të shënojë edhe më shumë gola”, njofton FC Ferizaj.
