Evropa Jugore është përfshirë nga një valë e të nxhehtir me temperature rekord që në ditët në vijim pritet që të shënojnë akoma rritje.
Në raportin e fundit të BBC temperaturat pritet të kalojnë 40 gradë Celsius në pjesë të Spanjës, Francës, Greqisë, Kroacisë dhe Turqisë, ndërsa pjesë të Italisë mund të arrijnë 48 gradë Celsius, duke e bërë atë “ndoshta më të nxehtat e regjistruara ndonjëherë në Evropë“.
Ndërkohë qershori është ci;lësuar si muaji më i ngrohtë I regjistruar ndonjëherë, sipas agjencisë së BE-së për monitorimin e klimës, Copernicus. Ngjarjet ekstreme të motit të shkaktuara nga ngrohja e klimës “për fat të keq po bëhen normalja e re”, ka paralajmëruar Organizata Botërore Meteorologjike.
Valët e të nxehtit ndodhin si pjesë e modeleve natyrore të motit, por shkencëtarët thonë se globalisht ato po bëhen më të shpeshta, më intensive dhe më të gjata për shkak të ngrohjes globale.
Turistët në Evropë janë prekur nga vala e të nxehtit. Në Athinë, Kryqi i Kuq Helen ka dërguar ekipe në Akropol për t’u kujdesur për vizitorët – duke thënë se shumë prej tyre ndihen të përzier dhe të trullosur për shkak të nxehtësisë. Në fillim të kësaj jave, një burrë rreth të 40-ave vdiq nga i nxehti pasi u rrëzua në veri të Italisë, ndërsa disa vizitorë në vend janë rrëzuar nga goditja e nxehtësisë, duke përfshirë një britanik jashtë Koloseut në Romë.
Vala e nxehtësisë Cerberus e quajtur nga Shoqëria Meteorologjike Italiane sipas përbindëshit me tre koka që shfaqet në Ferrin e Dantes pritet të sjellë kushte më ekstreme në ditët në vijim.
Spanja është zhytur në temperatura deri në 45 gradë. Qeveria rajonale e Andaluzisë ka nisur një linjë telefonike për njerëzit e prekur nga i nxehti.
Agjencia Evropiane e Hapësirës tha se temperaturat mund të arrijnë 48 gradë Celsius të enjten e javës tjetër në ishujt italianë të Siçilisë dhe Sardenjës: “ndoshta temperaturat më të nxehta të regjistruara ndonjëherë në Evropë”.
Ndërsa Cerberus zbehet, parashikuesit italianë po paralajmërojnë se vala e ardhshme e të nxehtit- e quajtur “Charontes” sipas tragetit që dërgoi shpirtra në botën e krimit në mitologjinë greke- do të çojë temperaturat në 43 gradë në Romë dhe ndoshta 47 gradë në ishullin e Sardenjës.
Një verë që do të thyejë rekorde në mbarë botën
Java e parë e korrikut vlerësohet të ketë qenë java më e ngrohtë që nga fillimi i regjistrimeve. Por shkencëtarët mund të përdorin flluskat e ajrit të bllokuara në akullin e lashtë të Antarktidës për të vlerësuar temperaturat mbi një milion vjet. Këto të dhëna sugjerojnë se java e kaluar ishte java më e ngrohtë në rreth 125,000 vjet.
Ndëerkohë vitin e kaluar sipas një studimi kanë humbur jetën 61,672 njerëz në Evropë për shkak të nxehtësisë. Instituti ISGlobal në Barcelonë –i cili hulumton shëndetin global tha se Italia kishte vdekjet më të shumta të shkaktuara nga nxehtësia, me 18,010, ndërsa Spanja kishte 11,324 dhe Gjermania 8,173.
Frika është se vapa mund të shkaktojë shumë më shumë vdekje këtë verë.
Vala e të nxehtit është një periudhë e motit të nxehtë ku temperaturat janë më të larta se sa pritej për periudhën e vitit.
Ekspertët thonë se periudhat e motit jashtëzakonisht të nxehtë po bëhen më të shpeshta dhe ndryshimi i klimës do të thotë se temperaturat rekord janë tani normale.
Burimi: GAZETA.MK
