Europa ka mbërritur në Prishtinë këtë të martë.
Skuadra nga Gjibraltari do të takohet me Dukagjinin të enjten, në kuadër të raundit të parë kualifikues në Ligën e Konferencës.
Kjo ndeshje do të zhvillohet në stadiumin “Fadil Vokrri”, nga ora 19:00.
Faqja zyrtare e klubit ka publikuar sot një fotografi të ekipit nga aeroporti ndërkombëtar “Adem Jashari”.
Vlen të theksohet se për Dukagjinin është hera e parë që merr pjesë në garat evropiane.
Skuadra nga Klina do të debutojë pikërisht në ndeshjen ndaj Europas.
