Vendimi për të dhënë dritë jeshile për Maqedoninë e Veriut dhe Shqipërinë në fillimin e bisedimeve, ndikon paralelisht edhe në zgjerimin e BE-së dhe integrimin e brendshëm të saj, thotë raportuesi për vendin tonë në Parlamentin Evropian, Ilhan Kyqyk. Ai nuk e mbështet idenë për ndarjen e Tiranës nga Shkupi. Dy vendet duhet të udhëtojnë në pako drejt prcocesit integrues, thotë Kyçyk.
“Nuk mund të shohim me qetësi drejt vendeve të Ballkanit Perendimor. Në kohën e fundit qarkullon ideja për ndarjen e Shqipërisë nga Maqedonia e Veriut dhe të japim datë për Shqipërinë por jo edhe për Maqedoninë e Veriut. Pra, vendimi për aderim për në BE, ishte për të dy vendet. Si do t’ua spjegojmë këtë gjeneratave të ardhshme? Si ta ndjamë njërin shtet nga tjetri? Çfarë imazhi të moralit do të ketë Bullgaria në skenën ndërkombëtare, nëse e lejojmë këtë?”, tha Ilhan Kyçyk, raportues për Maqedoninë në PE.
