Pasi preku nivelet më të ulëta prej disa vitesh në javët e fundit, një analist i bankës Britanike Standard Chartered pret që çmimi i Ethereum të vijojë rënien deri në fund të vitit. Si rezultat banka ka ndryshuar parashikimin e saj nga 10 mijë dollarë në 4 mijë dollarë për 2025.
Geoff Kendric, drejtues i ekipit kërkimor të Aseteve Dixhitale, pret që raportoi ETH/BTC, i cili ka parë nivele historike të ulëta në muajt e fundit, të jetë në rënie të paktën deri në fund të 2027.
Kështu edhe nëse Ethereum vendos nivele të reja rekord, do të ngelet pas për nga vlera e përgjithshme e tregut krahasuar me Bitcoin. Sipas Kendrick arsyeja e performancës së dobët të Ethereum vjen për shkak të rrjeteve Layer-2 ndërtuar mbi të dhe ai përmendi blockchainin e Base të Coinbase si një shembull.
Një rrjet Layer-2 është i ndërtuar mbi blockchainin e Ethereum dhe zgjeron funksionalitetet e saj. Përveç Base, Layer-2 të tjera janë Arbitrum, Optimism, zkSync Era, Polygon zkEVM. Analisti thotë se vetëm Base i ka hequr ETH 50 miliardë dollarë vlerë tregu.
Sipas tij shumica e përdoruesve transaksionet i kryejnë në këto Layer-2 në vend të rrjetit origjinal të Ethereum nisur nga tarifat shumë të ulëta dhe transaksionet e shpejta. /PCWorld Albanian
Burimi: pcworld.al
