Kristen Stewart dëshiron të martohet me të fejuarën e saj, Dylan Meyer. Aktorja e famshme foli për planet e dasmës në një intervistë për CBS Sunday Morning.
Ylli i “Twilight” tha se ende nuk është caktuar data, por “do të ndodhë, kur të vijë momenti”.
Kur u pyet nëse kanë filluar me planifikim e dasmës, ajo u shpreh: “Jo, është një gjë e frikshme”, ndërsa shtoi se nuk dëshiron të qëndrojë për shumë kohë e fejuar.
“Nuk dua të qëndroj e fejuar për 5 vite”, tha aktorja.
Në nëntor 2021, Kristen Stewart zbuloi se skenaristja Meyer i kishte propozuar për martesë pas dy vitesh lidhje.
“Ne po martohemi, doja shumë të më propozonin. E kisha shumë të qartë atë që doja dhe ajo e bëri. Ishte vërtet e lezetshme, ajo bëri shumë mirë. Po martohemi, po ndodh”, u shpreh ajo në atë kohë.
