Presidenti turk Recep Tayyip Erdogan tha se Turqia do të ofrojë ndihmë humanitare për Ukrainën për ta ndihmuar atë të mbijetojë “dimrin e vështirë”, njoftoi sot zyra e Erdogan pas bisedës së tij telefonike me presidentin ukrainas Volodymyr Zelensky.
“Gjatë bisedës, presidenti Erdogan theksoi se Turqia do të vazhdojë të punojë për të përmbushur nevojat humanitare të popullit ukrainas në muajt e vështirë të dimrit që vijnë”, thuhet në njoftim.
Njoftimi shton se Erdogan dhe Zelensky diskutuan gjithashtu zhvillimet e fundit në lidhje me luftën në Ukrainë.
