Ëndrra e Spanjës për triumf në Kampionatin Botëror “Katar 2022” përfundoi sot, pasi që u eliminua nga Kombëtarja e Marokut.
Spanja është eliminuar nga ky Botëror përmes penalltive, ku Maroku shënoi fitore me shifrat 3:0.
Përgjatë 120’ minutave nuk kishte gola nga të dyja kombëtaret, ku u nevojitën penalltitë për ta mësuar çerekfinalistin e radhës, në të cilat më i suksesshëm u tregua Maroku.
Pas ndeshjes, Luis Enrique foli për të ardhmen e tij te Kombëtarja e Spanjës, si dhe e pranoi se eliminimi i sotëm është plotësisht përgjegjësia e tij.
“Javën e ardhshme do të flasim dhe do të diskutojmë për të ardhmen time, tani nuk është momenti i duhur. Unë jam përgjegjës për sot”, tha Enrique.
