Drejtori i Policisë ka bërë disa ndryshime në drejtimin e komisariateve në Tiranë.
Sipas vendimit të fundit, Alban Hoxha është emëruar në krye të Komisariatit nr. 6 në kryeqytet, duke zëvendësuar Edvin Pecin.
Hoxha ka mbajtur më herët detyrën e shefit të Sektorit të Krimeve në Volum në Drejtorinë Vendore të Policisë së Tiranës dhe ka një përvojë të gjatë në strukturat e Policisë së Shtetit.
Ai ka shërbyer në sektorë të ndryshëm, përfshirë antidrogën dhe strukturat operacionale, si dhe ka punuar edhe në drejtoritë e Fierit dhe Shkodrës.
Ndryshimet vijnë si pjesë e riorganizimeve të brendshme në Policinë e Shtetit.
Burimi: botasot.info
