Twitter pezulloi llogarinë e reperit Kanye West të premten pasi muzikanti postoi një imazh të një Ylli të Davidit.
Llogaria e West u bllokua për “nxitje të dhunës”, tha shefi i Twitter, Elon Musk.
Kanye West më parë kishte shkaktuar sërish zemërim me deklaratat admiruese për Hitlerin dhe nazistët.
“Më pëlqen Hitleri” dhe “I dua nazistët”, tha 45-vjeçari në një intervistë me teoricienin e njohur të konspiracionit të ekstremit të djathtë Alex Jones të enjten.
“Unë shoh gjëra të mira edhe te Hitleri”, tha poashtu muzikanti dhe stilisti, i cili e ka riemërtuar veten Ye dhe e ka mbuluar tërësisht fytyrën me një maskë të zezë gjatë intervistës.
