Gazetarja Anduena Llabani thotë se ekstradimi i Durim Bamit nga Dubai dhe divorci i Ilir Metës dhe Monika Kryemadhit nuk janë rastësi.
Në emisionin “360 gradë”, Llabani u shpreh se nëse Bami ekstradohet dhe flet, nuk dihet fati që e pret Metën.
“Ministria e Drejtësisë është përgjegjëse për dosjet, të arrestuarit kanë afat 30 ditë për të marrë dosjen nga Shqipëria. Durim Bami, më duket një trofe shumë i madh politik. SPAK ka në dorë ekstradimin e Durim Bamit. Ministria e Drejtësisë i vë vulën. Pse Durim Bami është bërë kaq i kërkueshëm? Këtu, unë shikoj që emri i Durim Bamit dhe divorci i Ilir Metës nuk është i rastësishëm. Po foli ky njeri, ka përgjegjësi shumë të mëdha për ish kryeminstrin dhe ish presidentin Ilir Meta. Këtu dua të dal. Një nga personat e tjerë të arrestuar, që është një mik shumë i ngushtë i Durim Bamit, që është bashkëpunëtor, por është arrestuar në Milano pak ditë më parë, i shpallur në kërkim me “Metamorfoza 3″, Aleksandër Deda.
Është shumë i lidhur me Durim Bamin. Dyshohet që mund të jetë autor i vrasjes së vëllait të deputetit Ndoka në Lezhë. Ky dyshohet se mund të jetë autori i vrasjes dhe ka lidhje direkte me Durim Bamin. Nëse del e vërteta dhe nëse ky individ ekstradohet në Shqipëri dhe flet, nuk mendoj se çfarë fati do të ketë pastaj mbi Ilir Metën. Asgjë nuk është e rastësishme”, theksoi ajo.
