Autoriteti i Aviacionit Civil i Kosovës (AAC), kërkon që përdoruesit e dronëve të respektojnë kushtet e parapara në rregulloren e AAC-së nr. 01/2017 me ndryshime për Sistemet e Mjeteve Ajrore Pa Pilot (UAS) në Kosovë
“Sistemet e njohura pa pilotë të quajtura ndryshe si dronë janë shumë të njohura në kohet e fundit. Për të parandaluar incidentet të pa dëshiruara Autoriteti i Aviacionit Civil i Kosovës kërkon që përdoruesit e dronëve të operojnë me dronë vetëm duke respektuar kushtet e parapara në rregulloren e Autoriteti i Aviacionit Civil”, thotë Bujar Ejupi, drejtor i Autoritetit të Aviacionit Civil i Kosovës (AAC).
Ejupi përmes një videoje të realizuar nga KFOR në bashkëpunim me AACK, si pjesë e fushatës vetëdijësuese për përdorim të përgjegjshëm të dronëve për rritjen e sigurisë ajrore në Republikën e Kosovës, ka ftuar të mos përdoren dronët në zonat e kufizuara, raporton RTKlive.
“Si përdorues i dronit ju përgjegjës të regjistroni dronin në (Autoriteti i Aviacionit Civil i Kosovës) të kërkoni leje paraprake para çdo operimi me dron në zonat publike dhe private të mos përdorni dronin në zonat e kufizuara veçanërisht jo rreth bazave ushtarake aeroportit dhe jo për qëllime të dyshimta. Mos respektimi i rregullave për përdorim të dronëve sjellë pasoja për përdoruesit”, tha ai.
