Iftuar sot në emisionin “Pardon My French” ka qenë Anaid Kaloti nëpërmjet një lidhjeje telefonike. Ai ka zbuluar më shumë detaje në lidhje me personazhet e BBV4 që pas daljes së tyre nga shtëpia si po e menaxhojnë famën dhe se çfarë i pret më tej. Anaidi gjithashtu ka analizuar pak edhe BBV e këtij edicioni duke dhënë mendimin e tij se çfarë mund të bënte ndryshe.
Kur u pyet se cili nga banorët e BBV4 i ka çmimet më të larta në këtë periudhë, ai u përgjigj duke thënë se:
Më të larta ata që kanë platformën më të fortë, kryesisht Gjesti dhe Egli. Kurse më normale dhe më të justifikueshme do të sugjeroja Danjën dhe Loredanën.
A mundet që Gjesti dhe Egli të funksionojnë si një lojtar i vetëm marketingu jashtë shtëpisë apo në përgjithësi kanë propozime të ndara nga njëri-tjetri?
Nëse shuma do të ishte e majme do të bëheshin bashkë edhe Zhaku me Kastron. Kam përshtypjen që e gjithë çështja është tek pagesa. Sigurisht që mund të bëhen bashkë, stafi i menaxhimit flasin me njëri-tjetrin dhe i zgjidhin këto halle për sa kohë emëruesi i përbashkët është interesi kam përshtypjen që do të ishin të gatshëm të bashkëpunonin jo vetëm në industrinë e marketingut por edhe në atë të muzikës
Burimi: botasot.info
