Sot (e enjte) është mbajtur seanca konstituive e Kuvendit të Kosovës, gjatë së cilës deputetët e legjislaturës së re bënë betimin e tyre.
Pas përfundimit të kësaj pike të rendit të ditës, seanca u ndërpre.
Mes deputetëve që u betuan ishte edhe këngëtarja Edona Llalloshi, e cila përmes një postimi në Instagram bëri të ditur se ka nisur mandatin e saj të tretë në Kuvendin e Kosovës.
“Sot, për herën e tretë, u betova si deputete e Kuvendit të Republikës së Kosovës. Me këtë rast, dua të shpreh edhe një herë falënderimin tim për mbështetjen tuaj të vazhdueshme”.
“Me punë e përkushtim do të angazhohem në jetësimin e vizionit tim dhe të Lëvizjes VETËVENDOSJE për artin, kulturën dhe komunitetin artistik. Na prift e mbara“, ka shkruar Llalloshi.
Ajo e shoqëroi postimin me fotografi nga momenti i betimit në Kuvend, duke falënderuar mbështetësit dhe duke theksuar se gjatë mandatit të ri do të angazhohet për çështjet që lidhen me artin e kulturën.
Duhet theksuar se në zgjedhjet e 7 qershorit ajo mori mbi 31 mijë vota.
Burimi: botasot.info
