Gati një dekadë nga vdekja makabre e adoleshentit Ardit Gjoklaj në landfillin e Sharrës, shqiptarët ende nuk e kanë harruar vdekjen e tij, edhe pse politika është përpjekur ndër vite, nën udhëheqjen e kryebashkiakut të arrestuar të Tiranës, Erion Veliaj ta ‘groposë’ në vitet e harresës.
Nga ndeshja Shqipëri-Angli në stadiumin Wembley në Londër, tifozët kuq e zi dhe emigrantët shqiptarë kanë shpalosur banderolën me fotografinë e adoleshentit të ndjerë, Ardit Gjoklaj.
‘Ardit, ata menduan se nuk ka ZOT! Ne nuk të harrojmë’, thuhet në mesazhin e tifozëve shqiptarë në stadiumin britanik, teksa valëvisin edhe banderolën me foton e tij.
Një gjë është e sigurtë, që kryebashkiaku Erion Veliaj po e ndjek nga televizori brenda në qeli ndeshjen Shqipëri-Angli, por edhe më e sigurtë eshtë fakti se kjo banderolë do t’i trazojë ndërgjegjen e ‘vrasësit’, si shkak për vdekjen e Ardit Gjoklajt në Sharrë teksa punonte për të siguruar kafshatën e bukës për vete dhe familjen.
Burimi: botasot.info
