E rrallë për Izraelin, pret Shqipërinë në stadium të tejmbushur!
Izrael-Shqipëri do të luhet sot në stadiumin “Bloomfield” të Tel Avivit, që ka një kapacitet prej 29.400 vendesh.
Sipas mediave izraelite, sot pritet që stadiumi të jetë i tejmbushur, pasi janë shitur të gjitha biletat.
Diçka e rrallë me përfaqësuesen izraelite e cila në vitet e fundit kishte humbur paksa besimin e tifozerisë vendase.
Ndeshja do të transmetohet në Shqipëri nga televizioni “KLAN” dhe platforma “Supersport”. Ndërkohë, në orarin e takimit temperaturat pritet të jenë ideale për një ndeshje futbolli, teksa maksimumi do të shkojnë 26-27 gradë.
