Gjatë qëndrimit në “Big Brother Vip” një nga suprizat që i’u bë Donaldit ishte udhëtimi nëpër botë me binjakun e tij, Romeon.
Mirëpo, si duket këtë udhëtim në 7 vende të botës, Donaldi ka vendosur që t’ja dhurojë 7 çifteve, duke mos e shfrytëzuar vetë.
Pak më parë aktori përmes një video të postuar në “Instagram” ka bërë me dije se ai së bashku me Romeon vendosën që 7 çifte të përfitojnë udhëtimin duke ndjekur këto hapa.
“Do doja t’ju thoja që dhurata që kam marrë për udhëtimin në botë t’jau dhuroja juve. T’ja dhuroja 7 çifteve për 7 destinacione, 7 çifte që duan të shkojnë bashkë. Po mendoja me Romeon si do e realizonim dhe vendosëm që ju të komentoni emrat e dy personave te kjo video dhe të thoni përse e meritojnë”, sqaroi Donaldi.
