Fotografi i kabinetit të Konjufcës, Gerolld Nikoliqi është shkarkuar nga detyra e tij në këtë institucion.
Këtë e ka konfirmuar, Ilir Kërçeli, shefi i kabinetit të Kryeparlamentarit Konjufca.
“Po, dje e kemi shkarkuar nga detyra”, tha ai shkurt.
Nikoliqi është arrestuar ditën e djeshme, 22.10.202, pasi dyshohet se ka ushtruar dhunë ndaj bashkëshortes së tij.
Rastin e ka konfirmuar zëdhënësi i Policisë së Kosovës për Rajonin e Gjakovës, Sheremet Elezaj, i cili njoftoi se i dyshuari është dërguar në mbajtje për 48 orë.
“Me datën 22.12.2022 është arrestuar personi mashkull i lindur në vitin 1987 mbi dyshimin se kishte ushtruar dhunë ndaj bashkëshortes së tij. Rasti ka ndodhur në rrugën “Mark Malota” në Gjakovë Me vendim të Prokurorit të Shtetit i dyshuari është ndalur në mbajtje”, tha Elezaj.
