Nëse nuk e keni vënë re, njerëzit po e braktisin epokën e dërgimit të mesazheve me tekst, dhe kjo nuk është për shkak se na pëlqejnë më shumë përparimet e reja teknologjike si mesazhet zanore etj., por thjesht sepse…janë të lodhur!
Sigurisht, ka skenarë ku komunikimi me tekst është i nevojshëm, por a nuk është komunikimi me zë shumë më praktik së fundmi?
Ditët e mesazheve të gjata kanë mbaruar për t’ia lënë vendin mesazheve zanore. Madje, edhe me mesazhe zanore, njerëzit përsëri mund të ndihen të bezdisur.
Mund të keni parë memet që shkruajnë:
“Po më dërgon një mesazh zanor, jo podcast, prandaj bjeri shkurt.”
Midis kthesave të vazhdueshme të pandemisë, lajmeve të mbingarkuara që marrim çdo ditë në televizione dhe në jetën e vërtetë, truri ynë është i lodhur.
Dasmat, festat në bllok, pikniku dhe orët e lumtura janë rikthyer – por qëndrueshmëria jonë? Jo dhe aq shumë.
Përpjekja që duhet për të shkruar një mesazh është kthyer në një punë të lodhshme. Pothuajse ju bën të dëshironi të ktheheni në një kohë ku komunikimi ndihej spontan dhe i gëzueshëm. Një kohë kur njerëzit bënin telefonata.
Shpikja e mesazheve me tekst fillimisht ishte e dobishme: të paturit e një mënyre më të shpejtë komunikimi ka qenë fantastike, por duket se ka një dëshirë për t’u ngadalësuar pak këto ditë. Në këtë aspekt, një telefonatë duket më joshëse: një tren mendimesh që na lidh në një mënyrë që ndihet autentike.
Dhe shkenca e vërteton këtë. Një studim i kryer vitin e kaluar vërtetoi se ndërsa teknologjia në përgjithësi lejon mjete të ndryshme të socializimit dhe lidhjes me të tjerët, të folurit në telefon forconte lidhjet midis njerëzve dhe përmirësonte mirëqenien. Në fakt, tingulli aktual i zërit të një personi të dashur na bën shumë mirë për shëndetin mendor.
Për shumë Millenials dhe të rinj të Gen-Z, të folurit në telefon ende ngjall ndjenja ankthi. Dhe për ata njerëz, ekziston alternativa që përmendëm – mesazhet zanore. Kështu i lejoni pak gishtat të pushojnë nga të shtypurit ekranin e telefonit për kaq gjatë. Më e mira e dy botëve, apo jo?
