e goditi gruan me thike ne shpine teksa shkonte ne pune 60 vjecari denohet me 10 vjet burg 6b005520e326a

E goditi gruan me thikë në shpinë teksa shkonte në punë, 60-vjeçari dënohet me 10 vjet burg

November 20, 2026
1 minut lexim

Një 60-vjeçar u dënua me 10 vjet heqje lirie në Milano të Italisë, pasi goditi me thikë në shpinë një grua 43-vjeçare, të cilën e kishte zgjedhur rastësisht si objektiv të sulmit më 3 nëntor 2025, në sheshin Gae Aulenti – Milano.

Vincenzo Lanni, e sulmoi nga pas drejtuesen e kompanisë Finlombarda, duke e plagosur rëndë me një thikë me teh 23 centimetra të gjatë.

Sipas hetimeve, autori nuk e njihte viktimën dhe e kishte përzgjedhur atë rastësisht. Edhe pamjet filmike të ngjarjes ndihmuan në rindërtimin e dinamikës së sulmit.

Lanni u shpall fajtor për tentativë vrasjeje me rrethanën rënduese të paramendimit. Prokurorja Maria Cristina Ria kishte kërkuar dënimin e tij me 12 vite e 2 muaj burg.

Sipas mediave italiane, Lanni kishte vuajtur më parë një dënim prej 8 vitesh burg për dy tentativa vrasjeje të kryera në vitin 2015, kur kishte goditur me thikë dy pensionistë në provincën e Bergamos. Pas vuajtjes së dënimit, ai ishte liruar pasi ishte vlerësuar se nuk përbënte më rrezikshmëri shoqërore.

Përveç dënimit me burg, gjykata vendosi që pas përfundimit të dënimit Lanni t’i nënshtrohet masës së sigurisë së mbikëqyrjes për tre vite. Ai u detyrua gjithashtu t’i paguajë viktimës 50 mijë euro si dëmshpërblim paraprak.

Pas arrestimit, 60-vjeçari kishte deklaruar se synimi i tij ishte të godiste pushtetin ekonomik dhe jo të vriste dikë.

Burimi: botasot.info

VERO

EVN MACEDONIA

MATINA DENTAL CLINIC

AUTO SHKOLLA BEKO

detaje tronditese per te dyshuarin per vrasjen ne suhareke u denua me 19 vjet burg ne zvicer per vrasjen e bashkeshortes 6b00548544aef
Lajmi i mëparshëm

Detaje tronditëse për të dyshuarin për vrasjen në Suharekë: U dënua me 19 vjet burg në Zvicër për vrasjen e bashkëshortes

kush ju dha te drejten te na vrisni proteste para qeverise ne shkup grate kerkojne drejtesi dhe mbrojtje 6b00556e2212b
Lajmi i radhës

“Kush ju dha të drejtën të na vrisni?” – Protestë para Qeverisë në Shkup, gratë kërkojnë drejtësi dhe mbrojtje!

Të fundit nga

ShkoLartë