Dygjuhësia në uniformat, Mickoski: Nuk përmirëson standardin e qytetarëve, defokusim nga dështimet

Kryetari i VMRO-DPMNE-së, Hristijan Mickoski ka thënë se Qeveria me dygjuhësinë e uniformave të policisë kërkon të defokusojë krimin dhe dështimet.
“Unë mendoj se kjo nuk do ta përmirësojë standardin e qytetarëve të Maqedonisë. Kjo është temë politike që shërben si defokusim nga vjedhja kriminale që po ndodh në Maqedoni. Nuk do ta ulë numrin e autobusëve me të rinj që e braktisin vendin nga Tetova, Dibra, Gostivari, Strumica, Vinica, Manastiri e kështu me radhë. Është veç një tentative që përmes ndarjes së popullit të fshihet vjedhja që po e bën pushteti LSDM-BDI”, ka deklaruar Mickoski. /SHENJA/