Toni Kroos dhe Luka Modric nuk janë shumë të kënaqur me zgjedhjet që Carlo Ancelotti po bën.
Vitet kalojnë edhe për dy yjet e Real Madridit, ndaj Blancos duan të fokusohen te të rinjtë, por gjermani dhe kroati nuk mund ta pranojnë dhe do të donin të ishin ende themelorë për skuadrën.
Siç raporton prestigjozja Relevo, klubi po shtyn që trajneri të aktivizojë futbollistët e rinj dhe investimet e bëra.
Modric dhe Kroos paguajnë për zgjedhjet e trajnerit, me fituesin e Topit të Artë të vitit 2018 që ka luajtur vetëm 242 minuta që nga fillimi i vitit, ndërsa ish-lojtari i Bayern Munichut ka ngecur në 278.
Shumë pak për ta, që duan të jenë të rëndësishëm. në dhomën e zhveshjes, por edhe në fushë dhe jo vetëm me rolin e udhërrëfyesit për shkak përvoje. Deklaratat e të dyve shkojnë në këtë drejtim, por Ancelotti do të zgjedhë për të mirën e përbashkët.
