Dy palestinezë u plagosën nga të shtënat izraelite gjatë një bastisjeje ushtarake në Bregun Perëndimor të pushtuar, transmeton Anadolu Agency (AA).
Forcat izraelite rrethuan një shtëpi në qytetin e Nablusit për të arrestuar një baba palestinez dhe djalin e tij, duke shkaktuar përleshje me banorët vendas, thanë dëshmitarët okularë.
Shoqata e Gjysmëhënës së Kuqe Palestineze tha se dy palestinezë u plagosën nga të shtënat izraelite dhe 15 të tjerë pësuan asfiksi të përkohshme nga bombolat e gazit të hedhura nga forcat izraelite.
Tensionet kanë qenë të larta në Bregun Perëndimor në javët e fundit pas bastisjeve të përsëritura izraelite për të arrestuar persona që ata i quajnë “palestinezë të kërkuar” ose për të prishur shtëpitë palestineze. Bastisjet shpesh ndezin përleshje me palestinezët, duke shkaktuar edhe viktima.
