Manchester United dhe Tottenham Hotspur raportohet se janë në garë për transferimin e Christian Eriksenit.
Reprezentuesi danez po kalon formë të mirë me Brentfordin në Premierligë, pas rikthimit të tij pas arrestit kardiak që pësoi gjatë Evropianit të vitit të kaluar.
Eriksen u rikthye edhe te Kombëtarja e Danimarkës së fundmi, ku shënoi në dy miqësoret me Holandën e Serbinë në muajin e kaluar.
Dhe, sipas “Daily Mail”, 30-vjeçari tashmë ka tërhequr vëmendjen e Manchester Unitedit dhe ish-klubit të tij, Tottenham Hotspur.
Eriksen te skuadra e radhës mund të kalojë si lojtar i lirë, pasi kontrata e tij me Brentfordin skadon më 30 qershor.
