Dua Lipa dëshmoi edhe një herë se për të nuk ka ditë pushimi kur bëhet fjalë për modën e lartë, teksa u fotografua duke u larguar nga aeroporti JFK i Nju Jorkut të enjten.
Këngëtarja 30-vjeçare zgjodhi një look elegant dhe të frymëzuar nga Riviera, me një pulovër me vija dhe zinxhir në pjesën e sipërme, të kombinuar me xhinse. Megjithatë, ishin aksesorët ata që morën gjithë vëmendjen.
Dua tërhoqi vëmendjen me një çantë të madhe Chanel me vija, pjesë e koleksionit të parë Cruise të shtëpisë së famshme të modës, i cili u prezantua në pasarelë në prill, shkruan Daily Mail, transmeton “Bota sot”.
Çanta spektakolare është pjesë e koleksionit Chanel Cruise 2027, i cili u prezantua në Biarritz të Francës përpara një sërë yjesh të njohur. Ky koleksion konsiderohet gjithashtu debutimi i parë Cruise për drejtorin kreativ të Chanel, Matthieu Blazy.
Blazy drejtoi Bottega Veneta nga viti 2021 deri në vitin 2024, përpara se t’i bashkohej Chanel në dhjetor të vitit 2024.
Marrëdhënia e Dua Lipës me Chanel është tashmë e njohur. Në qershor, stilisti i saj, Lorenzo Posocco, foli me entuziazëm për ardhjen e Blazy në drejtimin e shtëpisë së modës, duke e cilësuar atë si një nga debutimet më emocionuese të vitit.
Burimi: botasot.info
