Max Allegri vazhdon të jetë i fiksuar pas Alvaro Moratës, edhe pse sulmuesi spanjoll nuk është më futbollisti i disa viteve më parë.
Trajneri i Juventusit u ka kërkuar drejtuesve t’i rikthejnë spanjollin në skuadër, të cilin e vlerëson shumë.
Allegri e sheh Moratën si sulmues qendror por edhe sulmues krahu në treshen ofensive të rekordmenëve të futbollit italian.
29-vjeçari ka edhe dy vite kontratë me Atletico Madrid, klub që kërkon diçka më shumë se 20 milionë euro për ta lënë të lirë sipas GDS.
Drejtuesit e Juventusit e konsiderojnë të lartë shumën e kërkuar nga spanjollët, ndërsa trajneri Allegri vazhdon të ushtrojë presion për t’ia rikthyer Moratën në skuadër.
