Borussia Dortmund është hedhur në sulm për të gjetur zëvendësuesin e Jude Bellingham.
Anglezi pas përfundimit të sezonit, zgjodhi të transferohej te Real Madrid.
Me arkat e klubit gjerman që u mbushën me 113 milionë paund.
19-vjeçari firmosi një kontratë gjashtëvjecare dhe është vendosur menjëherë në urdhrat e trajnerit Carlo Ancelotti. Dortmundi fillimisht e bleu mesfushorin në vitit 2020 nga Birmingham City. Për 25 milionë paund, dhe pas tri sezonesh fitoi rreth 88 milionë nga shitja e anglezit.
Verdhezinjtë gjenden në një situatë të vështirë, për të gjetur një zëvendësues të përshtatshëm për Bellingham. Megjithatë, mediet gjermane dhe britanike bëjnë të ditur se nënkampionët e Gjermanisë kanë piketuar mesfushorin e Chelseat: Conor Gallagher.
Si objektivin kryesor në merkaton e verës dhe pasuesin e bashkëpatriotit të tij. 23-vjecari është pjesë e “Bluve të Londrës” prej verës së vitit të kaluar.
Në Premier League numëron 35 paraqitje dhe tre gola, por në pjesën më të madhe e ka nisur nga stoli. Dortmundi do të ishte një mundësi e mirë për anglezin, pasi do ta kishte të sigurt vendin e titullarit.
Interes për të kanë shprehur edhe Tottenham, Newcastle dhe Liverpool.
Por, Chelsea është i gatshëm për ta lënë të lirë vetëm për shumën 50 milionë paund, me Dortmundin dukshëm të favorizuar.
