Presidenti i Republikës Srpska Milorad Dodik tha se populli serb “kurrë nuk do të pajtohet me narrativën e Sarajevës politike dhe një pjesë të komunitetit ndërkombëtar rreth gjenocidit të supozuar në Srebrenicë”.
Dodik tha nga Shën Petersburgu se shtytja e rezolutës për Srebrenicën në Asamblenë e Përgjithshme të OKB-së “po e shtyn Bosnjën dhe Hercegovinën drejt një ndarjeje paqësore”.
“Është një gënjeshtër e neveritshme se rezoluta do të përshpejtojë pajtimin. Është një sajesë që tregon qëllime propagandistike dhe asgjë tjetër. Kërkojmë vetëm që të respektohet letra e Dejtonit dhe letra e Kushtetutës”, thotë Dodik për RTRS, transmeton Oslobosjenje.
Ai vuri në dukje se “RS nuk dëshiron të pranojë shkeljen e vazhdueshme të rregulloreve”.
“Situata do të ndryshojë në mënyrë dramatike pas 2 majit. Të pëlqen apo jo. Në marrëdhëniet tona të ndërsjella do të jetë Muri i Madh Kinez. Ne nuk duam të ndajmë ajër me boshnjakët, e lëre më vlera të tjera. Që i shtyni etiketën e një kombi gjenocidal një kombi të tërë dhe jeni të vetëdijshëm se ai nuk ka ekzistuar, ose më mirë se nuk ka ndodhur kështu”, deklaroi Dodik.
