Tashmë është zyrtare, Bekim Rexhepi vishet blu!
Portieri 26-vjeçar që sezonin e shkuar u shpall kampion me Partizanin, ka nisur një aventurë të re në karrierën e tij duke iu bashkuar skuadrës së Di Biaxhos.
Tekniku ishte i bindur me portën, një sektor që më parë konsiderohej i mbyllur, pas afrimit të Edmir Salit, duke afruar kështu një kampion si Rexhepi.
26-vjeçarit i lindur në Shkup, që ka pasaportë maqedonase dhe shqiptare ka luajtur dy sezonet e fundit në Superiore, fillimisht me Skënderbeun, ku ra në sy për nivelin e tij dhe kampionatin e fundit me Partizanin, ku u shpall edhe kampion i vendit.
Pas kampionatit, Rexhepi u largua nga të kuqtë, të cilët do t’i ketë rivalë në derbin që do ta luajë me fanellën e Dinamo.
