Dy raketa kanë goditur stacionin e trenit në qytetin ukrainas Kramatorsk, tha kreu i sistemit hekurudhor kombëtar të Ukrainës, Oleksandr Kamyshin, në kanalin e tij zyrtar Telegram të premten.
Pavlo Kyrylenko, kreu i administratës ushtarake rajonale të Donetsk, konfirmoi se reaguesit e parë po raportonin dhjetëra viktima pas sulmit, shkruan CNN, përcjell “Bota sot”.
“Fashistët rusë goditën stacionin hekurudhor Kramatorsk me një goditje raketore Iskander”, tha Kyrylenko në Telegram.
Policia dhe ekipet e shpëtimit raportojnë për dhjetëra të vdekur dhe të plagosur.
Kyrylenko tha se mijëra njerëz ishin në stacion gjatë sulmit me raketa, në mes të evakuimit të banorëve nga rajoni i Donetsk në zona më të sigurta të Ukrainës.
“Rashistët [fashistët rusë] e dinin mirë se ku po goditnin dhe çfarë duan, duan të marrin peng sa më shumë njerëz paqësorë, duan të shkatërrojnë gjithçka ukrainase,” shtoi ai.
Qyteti lindor i Kramatorsk ishte një nga vendet e para që u vu në shënjestër nga ushtria ruse kur pushtimi i Ukrainës filloi më 24 shkurt.
