Si një nga yjet më të mëdha të Hollywood-it, me gjashtë fëmijë dhe tri martesa, Angelina Jolie thotë se vuajti nga “vetmia”, shkruan the sun transmeton “Bota sot”.
Në një intervistë të sinqertë së fundi, aktorja zbuloi se ka vështirësi të jetojë jetën e saj vetëm, tetë vjet pas ndarjes së famshme dhe të dhimbshme nga Brad Pitt.
Duke folur në një hotel të shtrenjtë në Londër të shtunën në mbrëmje, aktorja 49-vjeçare reflektoi mbi nevojën e saj për shoqëri para lansimit të biografisë së saj të re, Maria.
E veshur me të zeza, Angelina dukej e qetë ndërsa fliste për interpretimin e saj të jashtëzakonshëm të yllit të operës Maria Callas, për të cilën fitoi një nominim për Golden Globe javën e kaluar.
Ajo zbuloi se ndjenja e “vetmisë” ishte veçoria që ajo ndante më shumë me këngëtaren, e cila vdiq në vitin 1977 dhe kishte vetëm staf si miq të ngushtë.
Angelina thotë: “Kam fëmijët që i dua, por si një e rritur shpesh jam e vetme. E gjej veten duke u identifikuar me vetminë dhe përjetimet e saj”
“Po ashtu, nuk e kam kuptuar plotësisht si të jetoj jetën në një mënyrë ku jam vetëm.”
“Ndoshta shumë artistë ndjehen sikur jemi në një hapësirë të hapur si individë.”
“Nuk vendosim plotësisht. Kështu që ndonjëherë kjo na lë në një gjendje të çuditshme.”
Maria, e shkruar nga krijuesi i Peaky Blinders, Steven Knight, është filmi i parë i Angelinës pas më shumë se tre vitesh.
Ajo ka paraqitur një figurë reflektuese me rikthimin e saj në vëmendjen e medias, me komentet e saj që sugjerojnë se një marrëdhënie e përfolur me reperin britanik Akala, 41 vjeç, tashmë u ftoh.
“Dikush më ka shkaktuar dhimbje”
Javën e kaluar, ajo i tha revistës Variety se filmi ishte si “terapi” për të dhe se kishte “humbur zërin” pas vdekjes së nënës së saj, Marcheline Bertrand, në vitin 2007 dhe se “dikush i ka shkaktuar dhembje”.
Angelina shkoi më tej se kaq në Soho të Londrës fundjavën e kaluar, duke thënë se ajo ndjeu të gjithë turbullirën emocionale të Marisë gjatë aktimit.
Ajo thotë: “Kur jam atje duke qajtur, ajo është dhimbja ime, ajo është pikëllimi im.”
Nuk ka dyshim që fundi i martesës së Angelinës me Brad ka qenë një periudhë e dhimbshme, me çiftin që shkëmbeu fjalë të ashpra përmes avokatëve dhe burimeve, veçanërisht në lidhje me mosmarrëveshjen e tyre të vazhdueshme për vreshtin e tyre në Francë.
Qëndrimi i çiftit ndaj marrëdhënieve të reja ka qenë shumë i ndryshëm që pas romancës së tyre, që zgjati më shumë se një dekadë, e cila përfundoi në një mbarim të hidhur pas një përleshjeje në një fluturim në vitin 2016.
Ndërsa Brad, 60 vjeç, është parë me një sërë grash të bukura dhe duket se është vendosur me biznesmensen Ines de Ramon, ish-bashkëshortja e tij nuk është parë kurrë në krah të një burri të ri.
Në vend të kësaj, Angelina thuhet se i ka kushtuar kohën e saj rritjes së fëmijëve të saj.
Kjo është periudha më e gjatë në jetën e yllit të Tomb Raider pa një partner të rëndësishëm, duke kaluar nga mbyllja e martesës 18-muajshe me bashkëshortin e saj të parë, Jonny Lee Miller, me divorcin që u finalizua në vitin 1999, në martesën me bashkëshortin e saj të dytë, Billy Bob Thornton, vetëm një vit më vonë.
Burimi: botasot.info
