Trjaneri i Francës, Didier Deschamps është optimist se Paul Pogba do të jetë i aftë për të luajtur gjatë muajit të ardhshëm në Kupën e Botës që mbahet në Katar.
Futbollisti i është nënshtruar një operacioni në gjurin e tij të djathtë dhe trajneri francez është shprehur optimist në lidhje me përparimin e mesfushorit.
“Programi i tij po shkon mirë. E rëndësishme është që ai të shërohet. Para se të mendoj nëse do ta thërras, ai duhet të shërohet”, ka thënë Deschamps.
Pogba që nga debutimi i tij në vitin 2013 për Francën ka nëntëdhjetë e një ndeshje të luajtura dhe njëmbëdhjetë gola, përfshirë edhe një në finalen e vitit 2018.
Pogba nuk ka bërë ende një paraqitje për Juventusin që nga kthimi nga Manchester United në korrik.
