Superylli portugez, Cristiano Ronaldo është përjashtuar nga skuadra e Manchester United për derbin e së shtunës në Premier Ligë kundër Chelseat.
Ronaldo thuhet se ka refuzuar që të hyjë në lojë si zëvendësues në fitoren e mbrëmshme 2:0 të United kundër Tottenhamit.
Ai u pa të largohej nga stadiumi para fishkëllimës së fundit nga gjyqtari, kurse disa raportime sugjerojnë se 37 vjeçari u largua nga “Old Trafford” pa hyrë në zhveshtore.
Trajneri, Erik Ten Hag besohet të jetë i nevrikosur me sjelljet e Ronaldos, dhe tani klubi e ka konfirmuar që ai nuk do të paraqitet me ekipin e parë në vikend kundër Chelseat.
