Ish ministri i BDI-së, Bujar Osmani, në një postim në facebook, ka shkruar: “Nata e qetë në klinikë… për momentin.” Një fjali që do të kalonte pa u vënë re, sikur të mos vinte përgjigjja therëse e një deputetes së koalicionit qeverisës VLEN, Saranda Imeri Stafai.
“Nata e qetë në klinikë… për momentin”, shkruan Bujar Osmani, mjeku që për 20 vjet nuk ka lënë post politik pa provuar, nga ministër i çdo gjëje, deri te diplomat i gjithësisë. I vetmi pacient që s’e ka shëruar dot asnjëherë është NDËRGJEGJA e tij”, i është kundërpërgjigjur deputetja në një reagim të menjëhershëm, duke e goditur drejtpërdrejt karrierën e tejzgjatur dhe shpesh të kontestuar të Osmanit.
“Qetësi në klinikë, po jo në drejtësi!”, përfundon deputetja, duke e vënë në pah dallimin mes rehatisë personale dhe heshtjes së sistemit gjyqësor ndaj figurave të komprometuara të tranzicionit.
