Një 41-vjeçar është arrestuar nga policia e Sarandës për ngacmim seksual.
41-vjeçari ka rënë në prangat e policisë pas denoncimit të bërë nga një grua 52-vjeçe, e cila ka raportuar ngacmimet e vazhdueshme që vinin në adresë të saj.
Materialet në ngarkim të 41-vjeçarit i kanë kaluar prokurorisë për veprime të mëtejshme.
“Nga specialistët për Hetimin e Krimeve të Komisariatit të Policisë Sarandë u arrestua në flagrancë shtetasi E. K., 41 vjeç, banues në Sarandë, pasi ka bërë kallëzim një shtetase 52 vjeçe, se ky shtetas e ka ngacmuar seksualisht”, bën me dije policia.
