Dy të rinj në provincën konservatore Aceh të Indonezisë është rrahur publikisht me kamzhik, pasi një gjykatë e Sharias i dënoi ata për shkelje të ligjit islamik duke u puthur gjatë një transmetimi të drejtpërdrejtë në TikTok.
Gjykata urdhëroi që 22-vjeçari dhe 25-vjeçarja, të rriheshin me kamzhik nga 21 herë secili për puthje pa qenë të martuar. Të paktën 100 persona ishin dëshmitarë të rrahjes me kamzhik në Parkun e Qytetit Bustanussalatin në Banda Aceh.
Aceh është e vetmja provincë në Indonezinë me shumicë myslimane që zbaton një version të ligjit islamik. Qeveria qendrore laike e vendit i dha provincës të drejtën për të zbatuar ligjin fetar në vitin 2006, si pjesë e një marrëveshjeje paqeje për t’i dhënë fund një lufte separatiste.
Në vitin 2015, Aceh e zgjeroi ligjin për të zbatuar edhe jo-muslimanët, të cilët përbëjnë rreth 1% të popullsisë së provincës.
Ligji lejon deri në 100 goditje me kamzhik për vepra penale të moralit, duke përfshirë kurorëshkeljen dhe homoseksualitetin. Rrahjet me kamzhik lejohen gjithashtu për të ndëshkuar njerëzit për bixhoz dhe alkool, si dhe për gratë që veshin rroba të ngushta ose burrat që nuk falin namazin e së premtes.
Katër persona të tjerë u rrahën publikisht me kamxhik të enjten për bixhoz online dhe tradhti bashkëshortore.
Burimi: botasot.info
