Çelsi nuk ka arritur të marrë më shumë se një barazim në miqësoren e luajtur në Çikago përballë Borusia Dortmundit.
Madje, më shumë se rezultati, kampi blu po shqetësohet për dëmtimin e yllit të skuadrës, Kristofe Nkunku.
Sulmuesi u dëmtua në minutën e 20 të takimit pas një ndërhyrjeje të gabuar, duke ndjerë shqetësim në gjurin e tij. Kështu, u detyrua të largohet nga fusha duke i lënë vendin Mudrik.
Stafi mjekësor i Çelsit ka nisur nga puna për të parë gjendjen e lojtarit, teksa shpresohet që të mos ketë një dëmtim të rëndë.
Me dëmtimin e Nkunku, rriten shanset që Broja të ketë hapësirë në skuadër. Sulmuesi i Kombëtares ka lënë pas dëmtimin e tij dhe duket se është i gatshëm që të bashkohet me skuadrën në stërvitje për të qenë nën urdhrat e trajnerit Poçetino.
