Gazmend Demolli e ka nisur mirë kampionatin e sivjetmë në disiplinën malore, pasi fitoi në garën e parë, “Grashtica 2025”.
Anëtari i Prishtina Racing Team synon të vazhdojë me këtë ritëm edhe në garën e kësaj fundjave në Kullë.
“Kulla është e veçantë për të gjithë ne garuesit. Pa dyshim që do të jetë një garë me interesim e rivalitet të madh. Shpresoj që gjithçka të shkojë në mënyrën më të mirë të mundshme”, ka thënë Demolli.
Gazi e mban rekordin e shtegut në Kullë (për kampionatin vendor), pasi në vitin e kaluar distancën prej 5.6 kilometrave e kaloi për 03:11.177 minuta.
“Është vështirë të arrihet rezultati i vitit të kaluar, por unë do të hyj në garë me synimin për fitore dhe pse jo edhe për ta përmirësuar rekordin”, është shprehur Demolli, u cili ndryshe nga viti i kaluar kur garoi me Radicall SR8 LM, sivjet po paraqitet me Mitsubishi Evo 9.
Ndërsa, rekordin e shtegut e mban hungarezi me nënshtetësi kroate, Laszlo Szasz, me kohën 03:08.028 minuta.
Burimi: botasot.info
