Lëvizja Vetëvendosje, qendra në Gjakovë ka përkujtuar masakrën ku serbët e kryen në shtëpinë e familjes Vejsa më 1 e 2 prill 1999.
Në këtë masakër, forcat serbe vranë 20 persona ku shumica prej tyre ishin pleq e fëmijë të familjeve Vejsa, Hoxha, Haxhiavdija, Caka, Gashi e Nuçi.
“Në po të njëjtën ditë ndodhën edhe vrasjet dhe masakrat e 57 martirëve nga familje të ndryshme në po të njëjtën lagje, ku edhe aty kryesisht u morën burrat dhe djemtë për tu vrarë e më pas edhe zhdukur”, ka shkruar qendra e VV-së në Gjakovë.
Ndërsa, në shenjë nderimi, homazhe bënë përfaqësues të nivelit qendror e lokal nga kjo parti.
