Një defekt në gyp ka lënë pa ujë pesë fshatra në komunën e Gjakovës.
Sipas njoftimit të KRU “Gjakova” Sh.A defekti ka ndodhur në fshatin Bec dhe si pasojë e tij është ndërprerë furnizimi me ujë edhe në fshatrat Meqe, Vraniq, Doblibarë dhe Bordosan,
“Të nderuar konsumator, ju njoftojmë se për shkakë të paraqitjes së defektit në gypin furnizues fi 300 në fshatin Bec, jemi detyruar të ndërprejmë furnizimin me ujë për fshatrat; Bec, Meqe, Vraniq, Doblibarë dhe Bordosan.
Ekipet tona janë angazhuar me të gjitha kapacitetet në sanimin e këtij defekti, deri atëher kërkojmë mirëkuptimin e banorëve të zones”, thuhet në njoftim.
