Analisti politik, Ilir Deda, ka folur për pakënaqësitë e deputetit Avdullah Hoti me lidershipin e LDK-së.
Deda tha se të gjithë në LDK duhet të jenë shumë të kënaqur me rezultatin që kanë marrë, dhe sipas tij, askush s’e di pse Hoti është i pakënaqur.
“Cka ka prit ai, që LDK-ja do t’i marrë 200 mijë vota, nëse ka pritë që LDK-ja ka me i marrë ato vota, atëherë le të tregon qysh”.
“Unë mendoj që LDK-ja si parti e madhe dhe e vjetër, ajo parti e vjetër ka shumë edhe përvojë. Besoj se shpejt do të gjejnë gjuhë të përbashkët, sepse do të përgatiten për sfidat e radhës. Shpejt janë zgjedhjet lokale, nuk dimë nëse do të ketë zgjedhje nacionale prapë dhe neve na vyen zëri politik i LDK-së”, tha Deda.
Deputeti i sapo zgjedhur i LDK-së, Avdullah Hoti përmes një reagimi në Facebook ka kërkuar lidership të ri të partisë pasi nuk është i kënaqur me rezultatin që e kanë arritur në zgjedhjet e 9 shkurtit.
Burimi: botasot.info
