Publicisti Daut Dauti thotë se heqja e “20%” është në interes të shqiptarëve që të dalin nga “anonimiteti” kushtetues.
“Nuk është kurrfarë humbje apo fitore e madhe për dy komunitetet më të mëdha etnike që ta fshijnë atë. Fundja, nëse shikojmë mbrapa, do të shohim se në kushtetutën tejet të avancuar të vitit 1974, këso kategorizimesh me përqindje nuk ka pasur. Këtë e rikujtoj për ata që kanë krijuar paragjykime dhe mendojnë se nëse hiqet 20-përqindëshi, do të humbë dikush. Jo, vetëm vendosen gjërat në suaza normale. Kuptohet se është interes i shqiptarëve, që të dalin nga ‘anonimiteti’ kushtetues, edhe pse vetë emri mund të mos ndryshojë gjë të madhe në esencë, pasi esenca është siguruar në nivel shumë të lartë edhe përmes ’20-përqindëshit”, është shprehur publicisti Dauti në një deklaratë për portalin kdpolitik.mk.
Shkrimi i plotë i portalit: https://kdpolitik.com/2022/10/31/formulimi-20-absurd-heqja-nenkupton-dalje-nga-anonimiteti-kushtetues/?fbclid=IwAR0ui4HcR24Y2Rc1NH9o8WgDpz9_y0y99igZyeLWE5CJ5Gc0BfL78M8sSKs
