Danimarka më e mirë se Franca

Danimarka e mposhti Francën me rezultat 32:29 (11:12) në xhiron e parë të raundit të dytë të Kampionatit Evropian në hendboll.

Ishte një përballje spektakolare.

Fakti që asnjëra skuadër nuk kishte epërsi prej më shumë se dy golash është dëshmi se sa e fortë ishte ndeshja midis danezëve dhe francezëve.

Në një ndeshje dramatike, danezët arritën të fitonin dhe kështu të shmangnin një humbje tjetër, pasi humbën në mënyrë tronditëse ndaj Portugalisë në fazën e parë të turneut.

Për francezët, kjo është humbja e tyre e parë në turne.

Lojtari dhe golashënuesi më i mirë i ndeshjes ishte Mathias Gidsel me nëntë gola, i ndjekur nga shoku i ekipit Simon Pytlick me tetë gola. Aymeric Minne shënoi shtatë gola për Francën, ndërsa Hugo Descat pesë.

Gjermania është e para në grup I me 4 pikë, pasuar nga Danimarka, Portugalia, nga dy pikë secila, pastaj Norvegjia e Franca 2 dhe e fundit Spanja me 0 pikë.