Ferizaj dhe Ballkani kanë barazuar 0-0 në ndeshjen e xhiros së 26-të në Albi Mall Superligën e Kosovës në futboll.
Ka qenë një duel shumë interesant, por që në fund përfundoi pa gola dhe pa fitues.
Trajneri i Ballkanit, Ilir Daja ka thënë pas ndeshjes se e kontrolluan lojën duke krijuar disa raste, por pa sukses.
“Mendoj që pavarësisht se nuk shkuam te fitorja, kontrolluam lojën dhe pothuajse e kishim nën kontroll.
Kishim rastet para portës. Pas ngërçit në lojë, mendoj që sot jemi rikthyer”.
“Mungesat janë të rëndësishme, por lojtarët që u inkuadruan, justifikuan besimin. Ishim në ekuilibër.
Kundërshtari u mbrojt mirë”.
“Po të shfrytëzonim rastet, mund edhe të shkonim drejt marrjes së fitores”, deklaroi Daja.
