Analisti Frrok Çupi tha se e vetmja figurë që do të ngrejë në këmbë Partinë Demokratike mund të vije vetëm nga rrethi mbështetës i Enkelejd Alibeajt.
Sipas Çupit, ai person duhet të ketë mbështetjen e amerikanëve.
“Janë dy momente. Një Parti Demokratike do të quhet ajo që do të mbetet jo me Berishën dhe ata që do të qëndrojnë me Berishën. Sigurisht këta të fundit nuk do të konsiderohen më si forcë politike. Nuk besoj se në këtë parti ka elementë pozitivë që mund ta ribëjnë PD.
Vetëm dikush rreth Alibejat, por dhe i përkrahur nga amerikanët mund të drejtojë PD. E theksoj duhet të ketë mbështetje amerikane. E vetmja mënyrë për të vënë partine në shërbim të intetesave të vendit“, tha Çupi.
