Një megaoperacion ndërkombëtar antidrogë u zhvillua nga policia shqiptare në bashkëpunim me SPAK dhe Gurdia di Finanza italiane.
Gjatë operacionit u godit një grup kriminal me bazë në Fushë-Kuqe, Kurbin.
Disa persona u shoqëruan në ambientet e policisë, ndërsa 6 u arrestuan. Mes të arrestuarve është edhe ish-shefi i policisë, Arlind Ismailuka.
Trafikantët u kapën duke këmbyer kanabis me heroinë dhe kokainë dhe kur policia është afruar i kanë vënë flakën një veliere me qëllim fshehjen e provave.
Janë bllokuar 4 gomone. Të arrestuar janë edhe shtetas të huaj, ndërsa ky grup kriminal trafikonte drogë në rrugë detare. Operacioni vijon ndërsa urdhër-arrestet janë lëshuar nga SPAK.
Ditën e sotme pritet që SPAK të dalë me një komunikatë zyrtare për këtë operacion.
