Byroja Nacionale për Sigurim është deklaruar pas informacionit se do të shtrenjtohet sigurimi i veturave në Maqedoninë e Veriut, transmeton TV21.
Nga BNS-ja thonë se çmimi i sigurimit të veturave nuk ka ndryshuar që 15 vjet – që nga viti 2008, dhe shtrenjtimi është real, pasi siç shtojnë, ndikohet nga rritja e vazhdueshme e çmimeve të risigurimit, automjeteve, të pjesëve rezervë, rritjes së pagave dhe tendencës së vazhdueshme për rritje të inflacionit.
“Rritja e përgjithshme e çmimeve që nga viti 2008 deri në vitin 2023 arrin në 61.56%. Njëkohësisht, çmimi i sigurimit nga detyrimi automobil nuk ka ndryshuar tashmë e 15 vjet dhe është kategoria e vetme në vendin tonë që nuk ka pësuar rritje të çmimeve”, njoftojnë nga BNS-ja, duke shtuar se çmimi i sigurimit të automjeteve është më i ulët në rajon.
Burimi: tv21
