Qualcomm prezantoi një tjetër çip ARM për laptopët i cili i bashkohet serive Snapdrragon X duke ulur akoma më tutje koston e kompjuterëve Copilot Plus në rreth 600 dollarë.
Çipi i ri Snapdragon i bashkohet serive ekzistuese Snapdragon X Plus dhe X Elite dhe do të jetë i disponueshëm në disa modele nga Acer, Asus, Dell, HP dhe Lenovo në muajt në vijim.
Snapdragon X është dizajnuar për laptopët për masat dhe buxhetorë, kështu që nuk do të ofrojë performancë po aq të lartë sa X Plus dhe X Elite. Qualcomm ende premton performancë më të mirë për vat krahasuar me procesorët x86 nga Intel dhe AMD ndërsa ju referua modelit Core 5 120U.
Njëlloj si modelet tjera X Plus dhe X Elite, Snapdragon X ka një NPU prej 45 TOPS duke mundësuar veçoritë AI të ofruara nga laptopët Copilot Plus. Procesori Oryon i Qualcomm integruar në këtë çip ka 8-bërthama dhe frekuencë 3Ghz. Është ndërtuar mbi të njëjtën arkitekturë 4-nanometër si modelet e tjera Snapdragon X Series.
Snapdragon X mund të hedhë themelet e mini-kompjuterëve të parë Windows fuqizuar nga Qualcomm. Gjithashtu kompania u mburr duke thënë se mbi 60 dizajne laptopësh nga prodhues të ndryshëm janë në fazë zhvillimi dhe prodhimi bazuar në seritë e çipeve Snapdragon X. /PCWorld Albanian
Burimi: pcworld.al
