E ftuara e kësaj jave në podcastin “Flasim” të kryeministrit Rama ishte Elvana Gjata, artistja shqiptare e cila dy ditë më parë “i vuri flakën” stadiumit “Air Albania”, ku mbajti koncertin e saj të parë recital.
Artistja e cila ka arritur suksesin në çdo dimension dhe bëri bashkë mijëra shqiptarë në skenën gjigante, tregon se fillimi për të nuk ka qenë aspak i lehtë. Kur ajo zbuloi talentin e saj për muzikën, duket se prindërit nuk i kishte në anën e saj.
Kryeministri Rama e pyeti me kuriozitet se çfarë konsumon Elvana Gjata, e njohur gjithmonë për linjat e saj perfekte.
Pjesë nga intervista:
Edi Rama: Me idenë që do përgjigjesh se s’ke ku shkon. Çfarë ha ti që je në superformë dhe që merresh me sport, merresh me joga, merresh me pilates. Këto i dinë këta që të ndjekin, por a ka ndonjë metodë të re që ta ndash me të gjithë ata që vuajnë dhe që të jenë në të njëjtën formë si ti?
Elvana Gjata: Të të them barbunjat e babit tim, s’e them dot.
Edi Rama: Po thuaje..
Elvana Gjata: S’e di sa mund ta praktikojnë të gjithë në shtëpi. Se ky është sekreti im. Të ushqyerit nga babi. Babi më ndihmon dhe babi gatuan për mua. Ne jemi 90% veganë kështu që ..
Edi Rama: Po 10 % çfarë është?
Elvana Gjata: Konsiston në pak peshk.
Artistja tregoi se ushtrohet për 1 orë e gjysme në 5 ditë të javës dhe është tepër aktive në sport.
